Аймгийн Хөдөлмөр, Халамжийн үйлчилгээний газрын харъяа “Ахмадын чөлөөт цагийн төв” нь Хүний хөгжлийн ордоны Б корпуст үйл ажиллагаагаа явуулдаг ба ахмад настныг чөлөөт цагаа өнгөрүүлэхэд нь хэрэгцээт орчин нөхцөл, тав тухаар нь хангах зорилготой билээ.Иймд тус төвийн үйл ажиллагааг дэмжин ахмадуудыг урлаг, спорт, соёлын арга хэмжээгээр дамжуулан хөгжүүлэх, эрүүл урт наслалтыг нэмэгдүүлэхэд дэмжлэг үзүүлж “Ахмадын чөлөөт цагийн төв”-ийн тохижилтод хөшиг бэлэглэсэн төрийн банкны дорнод аймаг дахь салбарын хамт олонд талархал илэрхийлье.

“Ахмад настны чөлөөт цагийн төв” нь ажлын өдрүүдэд 10:00-16:00 цагийн хооронд ажиллах тул ахмад настан та бүхэн хүрэлцэн ирж шатар, даалуу, хөзөр, шагай, дардас зэрэг олон төрөлт тоглоом наадгайг сонирхон, чөлөөт цагаа хөгжилтэй баяртай өнгөрүүлэхийг урьж байна.