Хөдөлмөр халамжийн үйлчилгээний газар, Нийгмийн даатгалын хэлтэстэй хамтран "Жижиг дунд бизнес эрхлэгчдийг дэмжих төв"-ийн нийт бизнес эрхлэгч нарт ажлын байран дээр нь зөвлөн туслах үйлчилгээг үзүүлж хөдөлмөр нийгмийн хамгаалалын тогтолцоо, үйлчилгээний талаарх мэдээллийг өгч ажиллалаа.

Тус төвд нийт 12 төрлийн үйл ажиллагаа явуулдаг 21 иргэн өөрсдийн бизнесээ эрхэлдэг ба өнөөдрийн байдлаар 80 гаруй хувь нь нийгмийн даатгал төлдөггүй гэсэн хариултыг өгч байна.

Иймд дээрх бизнес эрхлэгчдийг цаашид нийгмийн даатгал төлөгч иргэн байх, улмаар цаашид өөрсдийн бизнесээ өргөжүүлэхэд төрөөс хэрэгжүүлж буй бодлого, хөтөлбөр, төрийн байгууллагын үзүүлж буй үйлчилгээтэй хэрхэн уялдаж ажиллах талаар зөвлөгөөг өглөө.