1. А.Энхбаяр түүний гэр бүлд туслах Сайн үйлсийн аяны тайлан

Өрхийг хэрхэн сонгосон талаар

2013 онд орон даяар өрхийн амьжиргааны түвшингтогтоох судалгаа хийгдсэн.  Судалгааны үр дүнгээр аймгийн нийт хүн  амын талаарх Салбар дундын цахим мэдээллийн сан бий болсон.

Дээрх мэдээллийн сангаасхэлтсийн мэргэжилтэнүүд өрх толгойлсон эмэгтэй Э.Алтаннавч нь 2014 оны  05 дугаар сарын 09 –ны өдөр өвчний улмаас нас барж, өрхийн тэргүүн нь 18 настай,  бага нь 10 сартай амьжиргааны баталгаажих түвшингээс доогуур орлоготой  6 хүүхэд байгааг илрүүлэн удирдлагадаатанилцуулж хүүхдүүдийн орон гэрийн нөхцөл байдлыг үзээдзайлшгүй туслах шаардлагатай гэж үзсэн.

А.Энхбаярын гэр бүл хүнс  тэжээлийн дэмжлэгт хамрагдаж байгаа ньөрхийн амьжиргааны түвшингтогтоох судалгааг үнэн бодитой хийгдсэнийг илтгэж байна.

Цаашид  Салбар дундын мэдээллийн сангаас  онцгой кейстэй өрхүүдийг судлан нөхцөл байдлыг тодорхойлж  “Сайн үйлсийн аян”-ыг үргэлжүүлэн зохион байгуулах болно.

Өрхийн танилцуулга

 Өрхийн тэргүүн буюу том ах А.Энхбаяр  /18 настай Политехникийн коллежийн үсчний ангийн оюутан, хөгжлийн бэрхшээлтэй/

1. А.Отгонзаяа    /14 настай Хануул цогцолбор сургуулийн сурагч/
2. А.Отгонбаяр     /9 настай 6 дугаар сургуулийн сурагч/
3. А.Сайханбаяр/5настай 2 дугаар цэцэрлэгт/
4. А.Мөнхзаяа      /4 настай 2-р цэцэрлэгт/
5. А.Энхмандах нь 8 сартайбөгөөд Улаанбаатар хотод байдаг ээжийнх  нь эгч одоогоор түр асран хамгаалж байна.

Тус хүүхдүүд Хэрлэн сумын II баг тээвэрчид 9-р гудамж 24 тоотод зуны пинд  

амьдарч байсан бөгөөд  дулаалга муутай, хуучирч муудсан, 3 цонхтой бүгд шилгүй гялгар уутаар бөглөсөн, тавилга эд хогшил  гэхээр  зүйл байхгүй байсан.

Түлэх түлээгүйн улмаас А.Энхбаярын  3-н дүү нь ханиад хүрээд цэцэрлэг, сургуульдаа явахгүй байсан.

 Том хүү А.Энхбаяр нь өвчний улмаас халамжийн сангаас тэтгэвэр авдаг, сургуульдаа сурахын зэрэгцээ дүү нараа сайн асрамжлан сургууль цэцэрлэгт бүрэн хамруулахыг хичээж байгаа талаар бидэнд ярьж байсан.

Сайн үйлсын аян эхэллээ.

 Хэлтсийн шуурхай хуралдаанаар А.Энхбаяр хүүд туслах аян зохион байгуулах  шиидвэрийг гаргаж, хийх ажлын төлөвлөгөөг боловсруулан мэргэжилтэн бүрт ажлыг хуваарилан хариуцууллаа.

Үйл ажиллагааг эхлэхэд санхүүгийн эх үүсвэр шаардлагатай байсан тул  хэлтсийн мэрэгжилтнүүд өөрсдийн цалингаас мөнгөн хуримтлал үүсгэсэн. Мэргэжилтнүүд удирдамжийн дагуу хүүхдүүдийн орон гэрийн нөхцөл байдлыг сайжруулах, өөрсдийн хийх гэж зорьж буй ажлын талаар аж ахуй нэгж байгууллага хувиараа бизнес эрхлэгч  нартай биечлэн уулзаж Сайн үйлсийн аяны талаар  танилцуулж хамтран ажиллах санал тавьсан. 

Гэр орны нөхцлийг сайжруулах хугацаанд хүүхдүүдийг амралтын газар байрлуулан төлөвлөгөөт арга хэмжээнд оролцуулав.

Хүүхдүүдэд орон байрыг нь засварлахаар болсноо танилцуулаад тэднийг хэлтсийн ахмад настны амралтын газар амрууллаа.

Хүүхдүүдийг амралтанд байх хугацаанд гарсан хоол цайны зардлыг хэлтсийн хамт олны мөнгөн хуримтлалаас  гаргаж, өдөр бүр тэдэнд зориулсан хөтөлбөр гаргаж ажилласан.

1.ELITE-S  үсчин гоо сайхны газрын хамт олон бидний саналыг хүлээн авснаар А.Отгонзаяа, А.Отгонбаяр, А.СайханбаярА.Мөнхзаяа нарын үсийг нь засуулсан.  Улмаар тэдэнд  ELITE-S  үсчин гоо сайхны газрын хамт олон бүтэн жил үнэгүй үйлчлүүлэх эрхийн бичиг олгож,Энхбаярыг сурч байх хугацаандаа дадлага хийж, дагалдангаар ажиллахыг урьсан.

2.Хүүхдүүдийг БОЭТ-ийн Хүүхдийн тасагт эрүүл мэндийн үзлэг, оношлогоонд оруулж А.Отгонбаяр, А.Сайханбаяр, А.Мөнхзаяа нарыг биохими, ОАК, ОАМ  зэрэг  шинжилгээнд хамруулж, А.Сайханбаярт зүрхний бичлэг, зүрхний эхо-г хийлгэсэн. Шинжилгээгээр хүүхдүүдийн биеийн байдал хэвийн гарсан.

3.Green bаkery, Оргил зоогийн газарт  санал тавьж хүүхдүүдийг гэр бүлээр нь оройн зоогонд оруулсан.

4.Smilехүүхдийн тоглоомын дэлгүүр бидний саналыг хүлээн авч  дэлгүүртээ урин хүүхэд бүрт хүссэн тоглоомыгбэлэглэсэн.

5. Маамуу нааш ир хүүхдийн тоглоомын газарт нэг өдрийг хамтдаа тоглож өнгөрүүлсэн.

6.Гэрэл зургын FOCUS студийн хамт олон  хүүхдүүдэд гэр бүлийн зургыг нь 30*40-н хэмжээтэйгээр жаазлан гардууллаа.

7. Шүр захын  хувираа бизнес эрхлэгч нар  бидний хүсэлтийг хүлээн авч хүүхдүүдэд  өвлийн гутал, куртик, цамц, өмд, оймс малгай, дотуур өмд зэргийг  өөрсдөөр нь сонгуулан  бэлэглэсэн.

Орон гэрийн нөхцлийг сайжруулах, тохижуулах талаар хийсэн ажилЗасвар хийхээс өмнөх байдал

 Засварлахаас өмнө дотор талаасаа  байшингийн завсраар гаднах орчин харагддаг, дулаалга муутай, цонхыг гялгар уутаар бөглөсөн байсан.

Д.Чулуунбаатар захиралтай "Дорнын мөнх  нар"  компани нь байшингийн гаднах  засварын ажлыг бүрэн хийж  гүйцэтгэсэн.

Үүнд:

1. Байшинг бүхэлд нь  шилэн хөвөнгөөр дулаалан гадна талаас нь 3-ын банзаар өнгөлсөн.
2.  Шинээр 3-н ширхэг  вакум  цонх суулган хүрээ мод хийж, будсан.
3. Дээврийг бүрэн төмөрлөсөн.
4. Хаалгыг засварлан будсан

Байшингийн дотор талын засварын ажлыг хэлтсийн мэргэжилтэн, ажилтнууд  өөрсдийн хүчээр хийж гүйцэтгэсэн.

Үүнд:

1. Таазанд ОСБ хавтан хадаж, хүрээ хийсэн.
2. Хананд аргилет хадаж тэгшилсэн.
3. Хананд обой наасан.
4. Галын зуухны өрөөний ханыг будсан
5. Ханан пийшин барьсан
6. Гэрлийн монтажыг шинэчилсэн.

Засварлахын өмнөх байдал

Дотор засварын үеэр

Хашаа хороог цэвэрлэж, түлээ, нүүрс   буулгалаа.

 Эдгээр хүүхдүүдийн амьдрал байдлын танилцуулга бэлтгэн орон нутагт үйл ажиллагаа явуулж байгаа  ААН, байгууллага, хувь хүмүүст хандахад маш сайхнаар хүлээн авч хүүхдүүдийн орон гэрийг бүрэн тохижуулахад туслан улмаар гэрийн  аяга тавагнаас эхлээд бүхий л  тавилга, эд хогшлийг шинэчлэсэн.   Жишээ нь :  “Хос өргөө” ХХКомпанийн хамт олон бидний үйл ажиллагааг дэмжиж буйдан, ширээ сандал, индукцэн плитка,  жигнүүр, 2.5м:3м харьцаатай хивсэнцэр бэлэглэсэн.

Амьдарч байсан нөхцөл байдал

Засварласны дараа  А.Энхбаяр түүний дүү нарт шинэ бүрэн тавилгатай байшинг хүлээлгэж өгөв.

А.Энхбаяр хүүгийн сэтгэгдлээс

Нийгмийн халамж, үйлчилгээний  хэлтсийн эгч ах нартаа маш их  баярлалаа.

 Бидэнд анх хэлэхдээ гэрийг чинь завсарлаж өгнөө гэж хэлсэн гэтэл гэртээ ирэхэд   бүх зүйл маань шинэ маш сайхан болсныг хараад  гайхаж баярласан.

Та нартаа дүү нараа сайн хүн болгон хүмүүжүүлж ачыг чинь хариулна гэж талархсан сэтгэлээ илэрхийлсэн.

Хамтран ажилласан аж ахуй нэгж байгууллагуудад талархал илэрхийлж “Батламж” гардуулав.

2.Сайн үйлсийн аяны хүрээнд 52 өрхөд хагас сарын хүнсний бүтээгдэхүүний дэмжлэгийг үзүүлэв.

Өрхийн амьжиргааны түвшинг тодорхойлох судалгааны үеэр орон гэртээ байгаагүй болон бусад шалтгааны улмаас  уг үйлчилгээнд хамрагдаж чадаагүй  өрх толгойлсон эцэг, эх, өндөр настан, хүнд нөхцөлд амьдарч байгаа өрх, иргэдийн нөхцөл байдлыг  судлан 52 өрхийн танилцуулга бэлтгэн хүнсний худалдаа эрхэлдэг аж ахуй нэгжүүдэд хандснаар 26-н дэлгүүрээсХэрлэн сумын 10-н багийн нийт 52 өрхөдхагас сарын хэрэгцээг хангах гурил, будаа, элсэн чихэр, сүү, тос гэсэн хүнсний голлох нэрийн бүтээгдэхүүнээр дэмжлэг үзүүллээ. Сайн үйлсийн аянд оролцож дэмжлэг авсан иргэд   үр дүнтэй ажил зохион байгуулсанд талархал илэрхийлж байсан.

ТАЙЛАН БИЧСЭН:

ХҮНС ТЭЖЭЭЛИЙН СУДАЛГАА

ХАРИУЦСАН МЭРГЭЖИЛТЭН                                            Г.ТОГООЧ

ХЯНАСАН:

ХЯНАЛТ ШИНЖИЛГЭЭ ҮНЭЛГЭЭ,

ДОТООД АУДИТЫН МЭРГЭЖИЛТЭН                                Ж.ЦЭРЭНДУЛАМ

ТАНИЛЦСАН:

НИЙГМИЙН ХАЛАМЖ ҮЙЛЧИЛГЭЭНИЙ

ХЭЛТСИЙН ДАРГА                                                                Л.БАЙГАЛМАА